میں مبادلہ کرنا چاہتا ہوں – میں اس کے متعلق کیا کروں؟
میچول ایکسچینج کیا ہے؟ میچول ایکسچینج وہ ہوتی ہے جس میں دو، تین، چار یا اس سے زیادہ کرایہ دار کرایہ داری کو ادل بدل کرنا اور ہر ایک فریق اپنے ایکسچینج پارٹنر کی املاک میں مستقل طور پر منتقل ہونا چاہتے ہیں- کرایہ دار کسی خالی املاک سے ایکسچینج نہیں کرسکتا- یہ کرایہ دار کی ذمہ داری ہے کہ وہ کسی مناسب ایکسچینج پارٹنر کو ڈھونڈے- ایسا ہوم سوئیپر پر اندراج کرکے کیا جاسکتا ہے- ہوم سوئیپر ویب سائٹ پر لنک کرنے
کے لیے یہاں کلک کریں-
میچول ایکسچینج کے لیے کون درخواست کرسکتاہے؟ تمام کاؤنسل اور ہاؤسنگ ایسوسی ایشن کرایہ دار یا تو تو تحفظی یا ضمانتی کرایہ دار کے ساتھ اپنے گھروں کو بدلنے کے لیے درخواست کرسکتے ہیں- تاہم پٹہ دار کرایہ داروں یا نجی کرایہ والے گھروں کو
بدلنے کی اجازت نہیں ہے-
میں نے ایک ایکسچینج پارٹنر ڈھونڈ لیا ہے، اب مجھے کیا کرنا ہے؟ آپ کو آپ کے ایکسچینج پارٹنر دونوں کو ایکسچینج کرنے کے لیے اگلا قدم بڑھانے سے پہلے اپنے متعلقہ مکان مالک (مالکان) سے اجازت حاصل کرنے کے لیے درخواست دینی ضروری ہے- آپ دونوں کو درخواست فارم بھرنے کی ضرورت ہوگی، ایک ہمارے لیے اور ایک اپنے ایکسچینج پارٹنر کے مکان مالک کے لیے-
میں نے درخواست فارم جمع کردیا ہے، اب مجھے کیاکرنا ہے؟ آپ کے ہاؤسنگ افسر کے اور ممکنہ طور پر آپ کے پارٹنر کے مکان مالک کے ذریعہ گھر کو دیکھنے کے لیے ایک ملاقات کے انعقاد کے واسطے آپ سے رابطہ کیا جائے گا- ملاقات کے دوران آپ کے گھر کا جائزہ لیا جائے گا- اگر وہاں ٹوٹ پھوٹ، غلط استعمال یا لاپرواہی کی کوئی علامت پائی جاتی ہے تو آپ سے اس ٹوٹ پھوٹ کو میچول ایکسچینج کارروائی سے پہلے اس ٹوٹ پھوٹ کو درست کرنےکے لیے کہا جائے گا-
کیا آپ میچول ایکسچینج کو مسترد کرسکتے ہیں۔؟ ایکسچینج کے سلسلے میں ہمارے ذریعے رضامندی کو روکنے کی وجوہات کو ہاؤسنگ ایکٹ 1985 میں طے کیا گیا
ہے۔ وہ ہیں:
وجہ 1 – جس کرایہ دار یا شخص سے وہ ایکسچینج چاہتے ہیں اس کے پاس ان کے خلاف قبضے کا حکم ہے
وجہ 2 – جس کرایہ دار یا شخص سے وہ ایکسچینج چاہتے ہیں، اس کو قبضہ حاصل کرنے کا نوٹس ہے یا قبضہ حاصل کرنے کی کارروائی شروع ہوچکی ہے۔
وجہ 3 - جس کرایہ دار یا شخص سے وہ ایکسچینج چاہتے ہیں، وہ اس جائداد کو انڈر اکوپائی کریں گے
وجہ 4 - جائداد اس شخص کے لے غیر موزوں ہے جس سے کرایہ دارایکسچینج کرنا چاہتے ہیں، مثال کے طور پر وہ بہت بڑی ہے۔
وجہ 5 – موجودہ کرایہ دار کو کرایہ داری اس کے روزگار پر منحصر ہے یا جائدادیں غیر رہائشی سرگرمی سے متعلق ہیں – مثال کے طور پر کسی اسکول کے احاطے میں درج نگراں
وجہ 6 - جائداد کا مالک چیریٹی ہے اورجس کرایہ دار سے تبادلہ چاہتا ہے اس کا قبضہ چیریٹی کے مقاصد سے ٹکراتاہے۔
وجہ 7 ، 8، اور 9 – جو شخص تبادلہ چاہتا ہے اس کے لۓ وہ جائداد غیر موزوں ہے کیوں کہ یہ اس مطلوبہ سپورٹ کے لۓ موزوں ہے جو اس شخص کے پاس نہیں ہے۔
وجہ 10 – جائداد مینیجمنٹ کوآپریٹو کا حصہ ہے جس میں وہ شخص جو تبادلہ
چاہتا ہے شامل ہونے کا خواہش مند نہیں ہے۔
فیصلہ لینے میں کتنا وقت لگتا ہے؟ دونوں جانب سے درخواست فارم حاصل ہونے سے 42 دن-
